Kultuuralmanak

Donderdag 6 Junie 2019: FAK / BAK Presige eretoekenningsaand by NALN ouditorium om 18:00

Saterdag 8 Junie 2019: Bekendstelling Hannes Visser se debuutbundel "Die jaar toe pa ..." NALN 10:00

Saterdag 8 Junie 2019: FSSO Musiekkonsert Odeion 19:30

Sondag 16 Junie 2019: Gedenk erediens (vroue en kinders gedurende ABO) om 09:30 APK Topsy Smithstraat, Langenhovenpark. Gelei duer ds Lewis Strauss en prof Andries Raath.

Sondag 16 Junie 2019: Prof Johan van Rensburg van die Andrew Murray gemeente praat om 18:00 oor Radio Rosestad

Vrydag 28 Junie 2019: Bobbiespark Aandmark vanaf 16:00 - 21:00. R10 per persoon.

'n Ulula produksie oor die Anglo Boere-oorlog 1899-1902 verkrygbaar by Oranje Rapportryerskorps. Bestel by 0834621963

Vrydag 12 Julie 18:30 Koorfees Gala, Odeion

Sondag 14 Julie 2019 15:30 Koorfees Gala, Odeion

Saterdag 13 Julie 2019 Brandkop "walk" om 14:00 Skakel 0835997145

Donderdag 18 Julie 2019 19:30 Odeion: Orrelkonsert met Jan Beukes en Gerhard de Bruin. Bespreek by Computicket.

Sondag 21 Julie 2019, 18:00: Prof Johan van Rensburg van die Andrew Murray Gemeente praat oor Radio Rosestad

Donderdag 25 Julie 2019, 18:00: Vriende van die Oorlogsmuseum: Sop- en Sjerrie aand by die Oorligsmuseum. Skakel 0824903112

 

Hulde aan helde-reeks @ NALN

Aag Gee Visser ’n kans: Woordkuns uit die oudedoos!

 

Aag gee Visser ‘n kans: woordkuns uit die oudedoos! is ‘n keur uit A.G. Visser se digkuns voorgelees deur Nico Luwes en Peter Taljaard. Die program wissel van sy speelse woordwaarhede, tot meer ernstige en veral sy romantiese gedigte waarmee Visser die harte van mense oor dekades geroer het. Soms onskuldig, soms skerp satiries maar altyd strelend op die oor en murgsag in die hart! Dis A.G. Visser!

Met Nico Luwes, Pieter Taljaard

Taal Afrikaans

Tydsduur 60 min

Prys R25 (glas wyn ingesluit / glass of wine included)

Plek NALN

Tyd 4 Julie, 18:00

 

Bloemfonteinse Taaltoer

Die bekende en geliefde Bloemfonteinse skrywer en taalwetenskaplike, Prof J.C. Steyn, het in 2018 tagtig jaar oud geword. J.C. Steyn het as skrywer en digter reeds vroeg in sy loopbaan erkenning gekry. Hy het egter as taalhistorikus, vakwetenskaplike navorser en akademikus baanbrekerswerk vir Afrikaans en sy gebruikers gedoen, en is ook hiervoor met die gesogte Helgard Steynprys bekroon. Prof. Steyn gaan, saam met Leana Lategan, hoofvakkundige van NALN, ’n rondrit deur Bloemfontein onderneem, waartydens hulle verskeie belangrike, interessante en meestal onbekende feite oor die Afrikaanse taal-en verwante letterkundige gebeure met die gaste gaan deel.

Met Jaap Steyn, Leana Lategan

Taal Afrikaans

Tydsduur ongeveer 180 minute

Prys R150

Plek vertrek vanaf NALN

Tyd 30 Junie, 14:00

 

Die man wat glimlag met ‘n mes onder sy jas

Hy is vanjaar negentig jaar jonk. Hy is lank. Hy is regop. Hy is skerp. Hy is stout. Hy is ontstig. Hy is ‘n filosoof. Hy is ‘n teoloog. Hy is ‘n denker. Hy is ‘n bekroonde satirikus. Hy is ‘n dramaturg. Hy prikkel. Hy kielie. Hy amuseer. Hy maak die donder in. Hy glimlag inderdaad met ‘n mes onder sy jas. Hy is M.M. Walters. Johann Nel gesels oor Walters, kom gesels saam.

Met Johann Nel

Taal Afrikaans

Tydsduur 60 min

Prys R25 (glas wyn ingesluit / glass of wine included)

Plek NALN

Tyd 1 Julie, 18:00

 

Van toe tot nou: 'n Reis van twee stede

Philip de Vos, wat op 16 Junie 80 geword het, praat, in ’n program met vertellings, versies en 'n liedjie of twee, oor sy grootwordjare in Bloemfontein en hoe hy later in sy Kaapstadjare bekend geword het as operasanger, skrywer, versiemaker, rymvertaler, fotograaf en skrywer en aanbieder van radioreekse oor klassieke komponiste. Kom deel in die genot!

 

Met Philip de Vos

Taal Afrikaans

Tydsduur 60 min

Prys R25 (glas wyn ingesluit / glass of wine included)

Plek NALN

Tyd 1 Julie, 19:00

 

Etienne Leroux: Sy betekenis vir vandag

Etienne Leroux is vir baie lesers ’n haas-vergete skrywer. Wanneer daar egter na sy invloed op ’n nuwe geslag skrywers gekyk word, blyk die teenoorgestelde. Skrywers so uiteenlopend soos Andre P. Brink, Alexander Strachan, Ingrid Winterbach en Peet van Aardt is duidelik sterk beinvloed deur Leroux op stilistiese en tematiese vlak. Een van Leroux se romans wat seminaal in hierdie verband is, is 18-44 – wat ook in die buiteland hoë lof ingeoes het. Kom luister na hierdie boeiende gesprek tussen twee gesoute literatore.

Met Heilna du Plooy, Hennie van Coller

Taal Afrikaans

Tydsduur 60 min

Prys R25 (glas wyn ingesluit / glass of wine included)

Plek NALN

Tyd 3 Julie, 18:00

 

Karel Schoeman, sy laaste reis

Die bykans ikoniese bydrae wat Karel Schoeman tot Afrikaans gelewer het, is nie te betwis nie. Die dood en die sterfproses is belangrike en wederkerende temas in sy uitgebreide literêre oeuvre. Tersefdertyd het hy ook die lewe gevier. Vanjaar, op 26 Oktober, sou hy 80 jaar oud word. Om hierdie dag, en die lewe van Karel Schoeman in herinnering te roep, word lesers en belangstellendes genooi om persoonlike gunsteling gedeeltes uit sy tekste (in enige genre) saam te bring om voor te lees. Daar sal ook ’n oorhandiging van Schoeman-personalia aan die Museum wees.

 

Met Jackie Steyn, Leana Lategan, Wyno Simes, deelnemers uit die gehoor

Taal Afrikaans

Tydsduur 60 min

Prys R25 (glas wyn ingesluit / glass of wine included)

Plek NALN

Tyd 2 Julie, 18:00

 

Dr Khotso Pieter David Maphalla – a most prolific Sesotho author

 

We pay tribute to Dr K.P.D. Maphalla, perhaps the most prolific and proficient of contemporary Sesotho writers. This Bethlehem native’s creative oeuvre includes twenty-four Sesotho poetry books, five short story anthologies, two plays and sixteen novels. The tribute will include an overview of his life and work, readings from his literary legacy, as well as a display of his oeuvre and an audio-visual exhibition.

 

Met Pule Lechesa and others

Taal English, Sesotho

Tydsduur 60 min

Prys Free

Plek Sesotho Literary Museum @NALN

Tyd 4 July, 14:00

 

Literatuurgeskiedenisreeks @ NALN volg…

 

Konsentrasiekampdag

Gedenkgeleentheid

16 Junie 2019

Die lyding van Boerevroue en -kinders tydens die Anglo-Boereoorlog,1899-1902

Program

Datum: 16 Junie 2019 – Erediens om 09:30.

Plek: Kerksentrum, Afrikaanse Protestantse Kerk, Bainsvlei.

H/v Topsy Smith en Elias Motsoaledistraat, Langenhovenpark.

Koördinate: Bloemfontein S 29⁰ 06’ 05.35” en O 26⁰ 09’

49.72”

Verrigtinge: Erediens gelei deur ds Lewis Strauss.

Verversings

Vertelling, toegelig met fotomateriaal, oor die Konsentrasiekampe

deur prof. Andries Raath.

Kranslegging by die Bron van Herinnering.

DAMESKRING: HEUWELSIG BLOEMFONTEIN.

Maandag, 20 Mei om 18:00 hou ons ‘n heerlike kultuuraand by NALN. Ons gaan ‘n Breyten Breytenbach se 80st verjaarsdag vier. Mooi gedigte, ‘n kort praatjie, musiek ens. Almal is welkom, toegang is gratis, maar ons gaan ‘n kollekte hou om ons fondse bietjie aan te vul.  Kom geniet die aand saam met ons. Laat my asseblief net weet indien u sou belangstel sodat ons voorsiening kan maak.  Selnr. 0828261419

15 Julie:            Takvergadering met ‘n spreker oor doolhowe

19 Augustus:     Takvergadering: Onderwerp Sosiale media

7 September:     Gebiedskonferensie in Bloemfontein

21 Oktober :      Spreker met tema “Vreesloos vrou wees”

Die Dameskring se NASIONALE PROJEK is om morele waardes by die voorskoolse kind vas te lê.  ‘n Werkwinkel word tans landswyd aangebied om gesagsfigure op te lei om die Handleiding, “Waardes vir Woelwaters” te gebruik. (Foto aangeheg). Die Handleiding is reeds die afgelope twee jaar in Afrikaans beskikbaar, is onlangs ook vertaal in Engels en Sotho.

Kontak Marda Oosthuysen (082 826 1419) vir enige verdere navrae in die verband.

Die GRANAAT is ons kwartaallikse tydskrif en kan ook elektronies op ons webblad afgelaai word.  www.diedameskring.co.za

 

Marda Oosthuysen

Voorsitter:  Die Dameskring Heuwelsig

_______________________________

Selnommer:    082 826 1419

Eposadres:       This email address is being protected from spambots. You need JavaScript enabled to view it.

Onafhanklike Hervormde Gemeente Bloemfontein

Sondag-eredienste

Kerkgebou van die APK Bainsvlei,

h/v Elias Motsoaledi-straat en Topsy Smithlaan in Langenhovenpark

S2906'05.35“   O2609'49.72“

Tans wintertyd 11:30 (winterskoolvakansie 11:00)

 

Somertyd 11:00

16 Junie 2019

 

Konsentrasiekampgedenkdiens

9:30           Erediens

10:30                  Vertelling en skyfievertoning

Saam met APK Bainsvlei en Konsentrasiekampbelangegroep

Meer besonderhede volg

Saterdae

 

Stalletjie by Boeremark

Kiaatlaan regoor Pronto Koffiewinkel, Stalletjie nr 230 en 231

Boepensbroodjies     @      R18.00

Kerrie en rys                @      R35.00

Pannekoek                 @      R  4.00

Yskoue koeldranke   @      R12.00

KONTAK ASB:

 

Ds LJ (Lewis) Strauss

Onafhanklike Hervormde Gemeente Bloemfontein

Benedictus Koksingel 15, Universitas, 9301

Sel 076 061 0129

VRIENDE VAN DIE OORLOGMUSEUM JAARPROGRAM:

a) 16 FEBRUARIE om 9h30:

Kestell-kranslegging en gedenklesing deur Johanna Botha:Onderwep - Genealogie van Ds. Kestell en Truida Kestell(neé Hofmeyer)

b) 19-21 APRIL(PAASNAWEEK):

Naweekuitstappie na Bankfontein Phillipolis waar ons o.a. Genl. Renier Grobler se graf besoek asook Grootfontein(Liebenberg), Kaliesfontein, Phillipolisdorp, skermutselings tydens 2de en 3de dryfjagte op de Wet. Lesings en verblyf op Bankfontein by Dr. Joop Fourie(kenner van klippe, bome, bossies en kruiemedisyne!)

Koste: waarskynlik nie meer as R600 pp.(vervoer uitgesluit). Sodra getalle het sal ek finale prys bevestig. Sal waarskynlik in motors ry. Belangstellendes moet so gou moontlik bespreek. Ekself het waarskynlik plek vir 2 of 3 persone wat saam kan ry en 2 of 3 individue/pare wat kan oorslaap Vrydag 19de en Sondag 21ste(die wat ver kom)

c) 1 JUNIE om 9h30:

- Bittereinder kranslegging en gedenklesing deur Dr. Willie Pretorius:Onderwerp - ‘Bittereinder broers’- oorlogservaringe van Ouboet en Henning Viljoen(seuns van Genl. P.R. Viljoen)

d) 25 JULIE om 18h00 vir 18h30:

- Sop en sjerrie-aand: Lesing deur Dr. Garth Benneyworth - Onderwerp: ‘Traces of forced labour during the SA War’(black civilians in concentration camps)

e) SEPTEMBER-TOER 2019:

-Sodra ons inligting ontvang vanaf Pretoria-tak wat die toer moet reel sal ons die inligting deurgee. Daar was ‘n versoek dat dit moontlik na die Kaapse Middelland sal wees maar hul bestuur moet nog ‘n finale besluit neem.

f) 2 NOVEMBER om 9h30:

- Jaarvergadering en lesing: Onderwerp - Krygsgevangenekuns deur Vicky Heunis



VRIENDE VAN OORLOGMUSEUM

Graag wil ek namens die Vriende van die Oorlogmuseum, ander organisasies, verteenwoordigers, bestuurslede  en/of individue uitnooi om deel te neem aan ons jaarlikse kranslegging en Bittereinder gedenklesing by die Burgermonument, Oorlogmuseum wat plaasvind om 9h30 op Saterdag, 1 Junie 2019. Ek sal bly wees indien u dit onder u geaffilieerde organisasies, lede, kollegas en vriende sal versprei!
Dit vorm deel van die 120- jarige herdenkingsprogram.

PROGRAM: Saterdag, 1 Junie 2019

9h30: OPENING EN KRANSLEGGING. SALUUT DEUR OORLOGSPOORT KOMMANDO EN ‘LAST POST’
10h00: BITTEREINDER GEDENKLESING IN OUDITORIUM VAN MUSEUM.
ONDERWERP: BITTEREINDERS: GENERAAL PIET RETIEF VILJOEN EN SEUNS SE BYDRAE TYDENS DIE ABO
SPREKER: DR. WILLIE PRETORIUS VAN PRETORIA

10h50: VERVERSINGS TEEKAMER

RSVP VOOR 21 MEI 2019. Organisaies moet eie kranse voorsien.

Arnold van Dyk ( Voorsitter )
This email address is being protected from spambots. You need JavaScript enabled to view it.

Die Oorlogsmuseum bied aan: `n Boereradio Rockfees tydens die 120-jarige Herdenking van die Anglo-Boereoorlog 1899-1902. Kom geniet `n opelugkonsert by die Oorlogsmuseum (Vrouemonument) in Bloemfontein se amfiteater met bekende kunstenaars Radio Kalahari Orkes en Adam Tas, asook die plaaslike talent van Dirk en die Republiek, Jacobus Silwer en Band sowel as Thabo Hlongwane.

Die Bloemfonteinse Skrywersvereniging se Nasionale BSV-Skryfwedstryd 2019 met R18000-prysgeld geborg deur die Fakulteit Geesteswetenskappe van die Universiteit van die Vrystaat begin nou in die laaste pylvak inbeweeg en ons sal dankbaar wees as u dalk dekking daaraan sal gee vir diegene wat nog graag wil inskryf - so ongeveer 'n maand oor voor die sluitingsdatum op 13 Mei 2019!!

Nasionale BSV-Skryfwedstryd 2019 van die Bloemfonteinse Skrywersvereniging:

R18 000-prysgeld geborg deur die Fakulteit Geesteswetenskappe van die UV en ’n slypskool by bekroonde en veelvertaalde oud-misdaadjoernalis en  spanningskrywer, Karen Brynard, op die spel!

Digters  en skrywers in die hoërskool (gr. 8 – 12), studente en volwasse skrywers, insluitende niemoedertaalskrywers van Afrikaans, het nog ongeveer ’n maand oor om in te skryf vir die bekende Nasionale BSV-skryfwedstryd van die Bloemfonteinse Skrywersvereniging (BSV) wat die 13de Mei 2019 sluit.

          Die wedstryd bestaan reeds sedert 1979 en word aangebied in samewerking met die Nasionale Afrikaanse Letterkundige Museum en Navorsingsentrum (NALN), wat die inskrywings ontvang. Die Fakulteit Geesteswetenskappe van die Universiteit van die Vrystaat tree vanjaar vir die tiende agtereenvolgende jaar as borg van die skryfwedstryd op omdat die ontdekking van veral jong talent vir beide die BSV en die UV na-aan die hart lê. Vier gesoute onafhanklike beoordelaars, self bekroonde skrywers en akademici, identifiseer jaarliks meesterlik onontdekte skryftalent.

 

          Volgens Corlietha Swart, voorsitter van die Bloemfonteinse Skrywersvereniging en dosent verbonde aan die Universiteit van die Vrystaat se Departement Afrikaans en Nederlands, Duits en Frans, lewer die wedstryd jaarliks nuwe, onontdekte skrywerstemme op wat kort voor lank debuteer, soos 2017 se Ingrid Jonkerpryswenner, Hilda A. Smits wat haar bundel uit Amerika by die BSV in NALN, Bloemfontein kom bekendstel het en daarna vereer is met ’n nasionale letterkundeprys. Binnekort debuteer Hannes Visser, gereelde BSV-Slypskoolgabger en BSV-wenner en redakteur van Courant in Oudtshoorn ook en ook hy kom in Mei sy bundel by die BSV in NALN bekendstel. (Vroeëre BSV-wenners sluit bekende skrywer in, soos Jaco Jacobs, Fanie Viljoen, Carina Diedericks-Hugo, Carina Stander, Piet Steyn, Sonja Loots, om maar enkele van die welbekende skrywers wat die BSV-wedstryd as wegspringplek gebruik het, te noem.)

          Veral skoolgroepe en tersiêre studente word aangemoedig om in groot getalle deel te neem aan hierdie tradisieryke skryfwedstryd met ’n heerlike verskeidenheid onderwerpe vir elke smaak. Ook vir niemoedertaaldeelnemers van Afrikaans is daar aanmoedigingspryse op die spel, asook die moontlikheid van beurse om die slypskool gratis by te woon.  Buiten vir kontantpryse en die publikasie van weninskrywings in Inkvars, word al die wenners van al die kategorieë genooi om gratis die jaarlikse Nasionale BSV-slypskool vir Ontluikende Skrywers, wat ook deur die publiek bygewoon kan word, op 24 Augustus 2019 by die dinamiese bekroonde en veelvertaalde oud-misdaadjoernalis en spanningskrywer, Karen Brynard, by te woon.

Genres waaraan deelgeneem kan word, is ’n kortverhaal, kortkortverhaal, skets/vertelling, essay en ’n gedig. Buiten vir prysgeld, trofeë en sertifikate, word die weninskrywings jaarliks in die publikasie, Inkvars (Redakteur: Corlietha Swart) gepubliseer – ’n publikasie wat deur die Stichting tot Bevordering van Culturele Betrekkingen, Nederland/ Zuid-Afrika befonds word en met groot vrug deur stelwerkonderwysers in stelwerkklasse gebruik kan word, omdat selfs die beoordelaarsverslae van die vier gerekende BSV-beoordelaars in die publikasie opgeneem word.

BSV-kryfwedstrydreëls en inskrywingsvorms kan self elektronies afgelaai word by http://bloemsv.wordpress.com onder Skryfwedstryd 2019, of u kan die BSV-sekretaresse, mej. Roline Brits, kontak by This email address is being protected from spambots. You need JavaScript enabled to view it.. Ons hou die pos dop vir u inskrywings!